Марий Элыште «Профессийыште эн сай» конкурсын «Отделке паша мастер» номинацийышкыже йодмашым налаш тӱҥалыныт.
«Профессийыште эн сай» всероссийский конкурс «Кадр» национальный проектын «Пашан айдемыже» федеральный проектшым илышыш пуртымо кышкарыште эртаралтеш. Тудо пашазе профессийын кӱлешлыкшым ончыктымашке да регионысо экономикым нӧлтымашке надырым пыштыше уста специалист-шамычым рашемдымашке виктаралтын.
Конкурсыш ушнымо нерген йодмашым 17 март гыч 17 апрель йотке «Работа России» официальный сайтыште пуаш лиеш.
Таҥасымаш 27-28 апрельыште Йошкар-Оласе строительный техникумышто очно эрта. Участник-влак конкурсын заданийже-влакым теорийыште да практикыште шуктат.
Маргарита ИВАНОВА.
