Пятигоркысо «Машук» рӱдерыште наставник-просветитель-влакын Всероссийский сообществыштын III форумжо эртен. Тушко 150 педагог-блогер ушнен.
Участник-влак коклаште Йошкар-Оласе Т.И.Александрова лӱмеш 11-ше №-ан лицейын ОБЖ-ым туныктышыжо Нина Дудар ден Медведево посёлкысо 2-шо №-ан школышто руш йылме ден литературым туныктышо Нина Четкарёва лийыныт.
Кум кече жапыште участник-шамыч деловой модмаште, сессийыште, тӱрлӧ темылан мутланымаште участвоватленыт. Кажне тыгай мероприятийын тӱҥ шонымашыже — кызытсе медиа йылме дене образований нерген мутланаш, пайдале да кумылым нӧлтышӧ контентым войзаш тунеммаш.
📷 Марий Элысе Образований да науко министерствын ВК-се тӱшкаж гыч налме.
