Марий Элысе Йошкар-Ола, Волжск, Козьмодемьянск, Звенигово экологий шотышто сайын илаш йӧрышӧ Российысе ола-влак радамыш логалыныт.
Тидын нерген РФ правительстве председательын алмаштышыже Марат Хуснуллин увертарен. Ойлымыж почеш, элыште тыгай ола-влакын чотышт кушкын толеш. Мутлан, 2019 ийыште 299 лийын гын, тений – 920.
Марий Элыште кодшо ийын качествын индексше 226 баллыш шуын, тиде 2019 ий деч 26 процентлан шукырак.
Республикысе ола-влакын рейтингышт:
Йошкар-Ола — 221 балл,
Волжск — 209 балл,
Козьмодемьянск — 247 балл,
Звенигово — 227 балл.
Чыла тидыже – «Илыме вер да оласе кумдык» нацпроектын лектышыже. Кызыт оласе средам саемдыме паша «Илаш йӧрышӧ инфраструктур» нацпроект кышкарыште ышталтеш.
Снимкыште: Йошкар-Олаште теве тыге тыгай сылне лукымат ужаш лиеш.
Авторын фотожо
