КИДМАСТАР КУЛЬТУР ДА ИСКУССТВО

Марий кундемнан картшым тӱрлат

«Российын тӱрлымӧ картше» проект нерген колынам ыле. Тудым кӧ ямдыла? С.Михайлова,

Медведево район.

Йодышлан Республикысе калык усталык да тӱвыра ден каныме паша шотышто шанче-методике рӱдерыште тыгайрак вашмутым пуышт:

– Тудо Российысе калык-влакын тӱвыра поянлыкышт идалыклан пӧлеклалтын. Ойыртемалтше ты проект калык тӱвырам тачысе илышлан келыштарен моштымым ончыкташ йӧным ышта. Тудын почеш Российын картшым кид дене тӱрлыман. Ты пашан презентацийже Чебоксар олаште 12 июньышто «Российын мурыжо» фестиваль-марафон годым лиеш. Тӱрлымӧ картым Россий Федерацийын чыла гаяк федеральный округлаште ончыкташ тӱҥалыт.

Элнан кажне регионыштыжо эн сай кидмастар-влак шке субъектыштын кумдыкшым кид дене тӱрлышаш улыт, туштыжо йӱла почеш кучылтшо тамгам, кундемлан келшыше символым вераҥдышаш улыт. Республикыштына ты пашам шукташ Звенигово калык кидмастар пӧртын тӱрызӧ-влак Надежда Майковалан, Людмила Ефремовалан да Ирина Чугуновалан ӱшаненыт.

А.БАЙКОВА

Опубликовать в Одноклассники

Добавить комментарий