Лаштыкнан тачысе унаже – Марий Элын калык артистше, мурызо Александр ЕГОШИН.
Александр Фёдорович ятыр ий Я.Эшпай лӱмеш Марий кугыжаныш филармонийыште пашам ышта, А.Искандаров лӱмеш капеллыште, П.Тойдемар лӱмеш театрыште мура. Кужэҥер районысо Одывлак ялын шочшыжо шукерте огыл 60 ияш лӱмгечыжым пайремлыш.
Тиде ийготшым артист шижеш мо? Шочмо кечыжым кузе палемден? Тачысе эстраде тӱням кузе акла? Нине да моло нерген шкеж дене вашлийын мутланышна.
– Александр Фёдорович, 60 ияш улмыдала чучеш мо?
– Ӱмыр эрта, ийгот погына, но тынар ийым темем манын, ӱшаныме гай ок чуч. Чон дене эреак самырык улына…
– Самырык жапат, очыни, ушыш толын пура?
– Конешне, икымше гана сценыш лекме пагыт уш гыч нигунам огеш лек. Шарнем, музыкальный училище деч вара Маргосфилармоний пеленысе Искандаров лӱмеш Марий кугыжаныш капеллыш толмеке, икмыняр жап гыч вик гастроль дене Свердловск областьыш кайышна. Капеллын оркестрже почеш композитор Виталий Алексеевын «Ош куэ» мурыжым мураш лектынам ыле. Оркестр иктым шокта, а мый йӧршын весым мурем (воштылеш) Икымше гана кумда сценыш лекмекем чо-отак тургыжланенам улмаш, эсогыл музыкант-влакым колын омыл…..
! Интервьюм умбакыже 4 мартыште лекше «Марий Эл» газетыште лудаш темлена
А.БАЙКОВА
Фотом еш альбомжо гыч налме
