Справочникыш Пошкырт, Виче, Угарман, Пермь, Свердловск, Татарстан, Одо кундемлаште марий-влакын вераҥме 966 илемыштын,
65 кугурак эҥер ден ерын, кок курыкын, ик сергӱн лӱмыштым рушла-марла пуртымо.
Проект «Марий Эл» газет редакций гоч возалтын. Авторжо — Марий Элын сулло журналистше Светлана Пехметова. Материалым чумырымо, фотом келыштарыме, дизайн ден версткым ыштыме пашам журналистикыште тыршыше йолташ-влак Анфиса Эманова, Екатерина Тетерина да Денис Речкин дене пырля шуктеныт.
Справочникым Марий Эл Республикын тӱвыра, савыктыш да калык паша шотышто министерствыжын полшымыж дене «2013-2025 ийлан Марий Эл Республикын кугыжаныш национальный политикыже» кугыжаныш программыж негызеш лукмо.
Книга журналист, туныктышо, мер пашаеҥ, марла возышо-влаклан пайдале.
Шке кундемысе ял лӱм йоҥылыш але мондалт кодын гын, pektan@mai.ru адресыш возен колтыза.
