«Без срока давности» научно-просветитель паша проект кышкарыште норвег «Аркивет» тоштер комплекс дене «телекӱвар» лийын.
Марий Элыште «Российын курымашлык полкшо» мер толкынын эртарыме мероприятийыштыже нацист Германийын военнослужащийыштын руш калыкым пытарымышт, тыгак немыч концлагерьлаште совет салтак-шамычым подвигышт нерген кумдан палдарыме. Тыгай совет герой-влак кокла гыч иктыже – землякна Пётр Иосифович Боцманов. Тудо Норвегийысе «»Аркивет» концлагерьыште лийын. Тудлан кӧра пленыш логалше ик салтакат тушман велыш каен огыл, иктат генерал А.Власовын армийышкыже ушнен. 1944 ий 21 октябрьыште тудым лӱен пуштыныт.
Мероприятийыш «Аркивет» тоштер комплексын пашаеҥже Татьяна Торосен ушнен: лач тудын тыршымыжлан кӧра Норвегийыште увер деч посна йомшылан шотлалтше совет салтак-влакым тойымо верлам кычал мумо.
«Йыргешке» ӱстел йыр республикысе тунемме верла гыч студент ден тункытышо, тыгак боевой действийын ветеранже-влак, мер организаций-шамычын еҥышт да П.Боцмановын родо-тукымжо лийыныт.
Мероприятийыште марий политрукын подвигшылан пӧлеклалтше радынаже-влак дене Марий Элын сулло художникше А.Санников палдарен.
«Аркивет» тоштер комплексын кумдыкыштыжо П.Боцмановлан мемориал знакым шындаш палемдыме.
