Нижний Новгород олаште Марий Элын сылне верлаж дене палдарыше сӱретла дене сӧрастарыме автобус кошташ тӱҥалын.
Тидын нерген шке лаштыкыштыже спорт да туризм министр Лидия Батюкова серен. Тудын палемдымыж почеш, регионышкына турист-влакым толаш кумылаҥдыше билборд-влакым Москошто, Озаҥыште вераҥдыме, Озаҥыш, Кировыш, Ульяновскыш, Ижевскыш да Юл кундемын моло олашкыже коштшо поездалаштат брендироватлыме вагон-влак улыт.
С.Носова
Снимкыште: Нижний Новгородышто кудалыштше автобус.
Фотом Л.Батюкован лаштыкше гыч налме.
