Тиде кечылаште регионым вуйлатыше специалиальный военный операцийын участникше-влакын икымше классыш кайыше йочаштлан школ рюкзакым да тунемаш моло арверым пӧлеклен.
Юрий Зайцевын тӱҥалтышыж почеш эртыше мероприятий Республикысе курчак театрыште лийын. Тыгай пӧлекым ыштыме деч посна тушко уло республик гыч погынышо икшыве-влаклан «Золотой ключик» йомакым ончыктеныт.
Регионым вуйлатыше илышыштышт икымше гана парт коклаш шичше-влаклан тунеммаште сеҥымашым тыланен. «Тендам у да оҥай илыш вуча. Те чын возаш, лудаш, шотлаш тунемыда да шуко уым пален налыда, но эн тӱҥжӧ – у йолташ-шамычым муыда. Мом шонен пыштенда, тудым шукташ тыршыза да ты корным кӱшкӧ вуйым нӧлтен, йолташ-влак дене пырля кид кучен эртыза. Корныда пиалан лийже!», – каласен тудо.
Марий Эл Республикым вуйлатышын администрацийжын информаций паша пӧлкажын уверже негызеш Г.Кожевникова ямдылен.
Д.Речкинын фотожо
