Марий Эл Республикын Кугыжаныш Погынжо лӱм дене тендам Российын тӱҥ пайремже, нигунам шапалгыдыме чолгалык да чап пайрем – Сеҥымаш кече дене саламлем!
Кугу Отечественный сар ийлаште мемнан пеш кугу Шочмо элнан эрыкшым арален кодышо, тӱням фашизм деч утарыше совет калыкын моткоч кугу патырлыкше, пеҥгыде кӧргӧ вий-куатше нигунам огыт мондалт.
Шуко вӱрым йоктарыман тиде пеш кугу шучко сар Российысе кажне ешым когартен. Тӱжемле землякна-влак фронтлаште кредалыныт, пӱтынь эл дене пырля тылыште йӱдшӧ-кечыже сеҥымашым лишемденыт.
Чаманен каласаш логалеш: историй уэш савыртышым ыштен, фашизм адак вуйым нӧлталын да капкана воктекак толын шуын, сандене кызыт специальный военный операцийын участникше-влак шкеныштын кочашт да кугезе кочаштын шукертак шеҥгелан кодшо 1941 ийыште лийме семынак шочмо мландым да традиционный поянлыкым аралаш шогалыныт.
Мемнан тӱшка порысна – боецна-влаклан, нунын ешыштлан полшымаш, шкенан тыршен ыштыме пашана дене республикым умбакыже вияҥдымаш, Российын аралалтын кертме йӧнжым да куатшым ешарымаш да эн кӱлешанже – историйым весемден возаш тӧчымӧ ваштареш чоткыдын шогымаш, тунамсе сар нерген чыным аралымаш да йочана-влакы дек шуктымаш, Кугу Сеҥымаш дене кылдалтше поро йӱлам достойнын умбакыже шуйымаш.
Сеҥымашым кондышо герой-влакым эреак шарнаш тӱҥалына!
Тыланда, шерге ветеран, тылыште чолган тыршыше, тулыкеш кодшо вате, сарын йочаже-влак, сар деч варасе неле пагытыште кушшо тукым, тендан ончылно вуйнам савена да тауштена!
Тыланда пеҥгыде тазалыкым, илышыште чыла сайым, тыныслыкым да порым гына тыланена! Пайрем дене, шерге таҥ-влак, Сеҥымаш кече дене!
Марий Эл Республик Кугыжаныш Погынын Председательже А.В.Смирнов
