Кундемыштына «Марий Эл. Влюбиться навсегда» кӱчык фильмым войзымо пашам тӱҥалыныт.
Тудым «Шаблий» студий Марий Элын Экономике вияҥмаш министерствыжын да Туризм шотышто агентствын йодмышт почеш шукта. Ты шотыштак режиссёр Денис Шаблий шке воткыл лаштыкыштыже киношто войзалташ шонышо-влак деке ӱжмаш деке лектын. Кӧ киношто моднеже, «Киноактёр» курсыш ушнен кертеш. Тудо 2 март гыч шке пашажым тӱҥалеш. 8 гыч 88 ияш марте кумылан-влак тушко ушнен кертыт. Курсын эн сай тунемшыже-влак «Марийские сказки-2» тичмаш метражан фильмыште модаш тӱҥалыт.
Снимкыште: «Шаблий» студийын участникше-влак – Йошкар-Оласе Ленин площадьыште.
Фотом Денис Шаблийын воткыл лаштыкше гыч налме.
