Марий Эл Юл кундем федерал округысо регион-влак коклаште тений 18 январьыште стартым налше турист кешбэк программе дене шулдынрак канаш да эмлалташ лийме вич санаторий радамыш логалын, увертара Российын санаторийже-влак бронироватлыме портал.
Юл кундем федерал округын регионжо-влак коклаште Марий Эл суткаште кокла шот дене 2260 теҥгеш илаш, кочкаш да эмлалташ лийме показательже дене визымше верыш лектын, икымше верыш – Саратов область, кокымшыш – Пенза область, кумшыш – Татарстан Республик, нылымшыш – Киров область.
Ушештарена, турист кешбэк программе Россий мучко турист семын коштмылан ыштыме роскотын ужашыжым пöртылташ йöным ышта. Программын 2021 ийыште илышыш пуртымо пытартыш йыжыҥыштыже Марий Элын туризм аланысе 14 организацийже участвоватла.
М.ИВАНОВА
