Тений шыжым Йошкар-Олаште марий буквалан памятникым вераҥдаш тӱҥалыт, увертара «Кидшер» интернет-журнал.
Тудым Марий кугыжаныш университетын калыкле тӱвыра да тӱвыра кокласе кыл институтын 10 ияш лӱмгечыжлан октябрьыште шогалтат.
Университет кызыт эн сай проектым ямдылаш конкурсым увертарен. Ты сомылым «Универстет – Марий Элысе шкешотан тӱвырам аралыме да вияҥдыме амал дене ӧрдыж гыч толшо-влакымат тидлан шӱмаҥдыше рӱдер» проект жапыште шуктат.
А.БАЙКОВА
