12-17 августышто Йошкар-Оласе Чарла кремльыште «Мӱй илян» ярмиҥга эртаралтеш.
Йӱлаш пурышо ярмиҥгашке мӱйым да мӱкш продукцийым ямдылыше мӱкшызӧ, республикысе агропромышленный комплексын предприятийже, ремесленник, декоративно-прикладной творчествын мастарже, сувенир продукцийым ыштыше, пакчасаскам да фруктым ончен куштышо, чодыра поянлыкым погышо-влакым ӱжыт. 14 августышто Марий епархийын служительже-влак мӱйлан шнуй шӱлышым пуртат. Тушко кумылан чыла еҥ ушнен кертеш.
Ярмиҥга 9 гыч 15 шагат марте эртаралтеш. Участник-влакым 8 гыч 9 шагат марте пуртат. Шке сатуштым ужалаш палемдыше-влак йодмашым Чарла кремльыш 8 август марте пуышаш улыт.
