Марий Эл Образований да науко министерстве пеленысе Ача-ава мер контроль штабыштын еҥже-влак тиде кечылаште Оршанке район Тошто Крешын школышто лийыныт.
Тушто эртарыме заседанийыште тунемме верын леведышыжым капитально олмыктымо шотышто каҥашеныт. Марий Эл правительствын резерв фондшо гыч оксам ешарен ойырымылан, республикын Образований да науко министерствын полышыжлан кӧра школ леведышым «2024-2030 ийлан Марий Эл Республикын Оршанке муниципальный районысо образованийым вияҥдымаш» муниципальный программе кышкарыште уэмдат. Ты пашам палемдыме график дене келшышын «Монолит чоҥышо компаний» ООО ышта. Кызытлан леведыш 45 процентлан ямде.
Штабын еҥже-влак палемденыт: леведышым уэмдыме годым чоҥымо чыла нормо ден стандартым шотыш налман.
Г.Кожевникова
Фотом Оршанке районысо образований пӧлкан сайтше гыч налме
