Марий рӱдолаштына у урем-влакын лӱмышт кузе шочыт?
О.Николаева.
Йошкар-Ола.
У уремлан, сквер але площадьлан лӱмым пуымо йодышым оласе Архитектур ден градостроительстве управлений пелен ыштыме посна комиссийын еҥже-влак каҥашат. Пунчалым вара ола администраций луктеш. А кӧн лӱмжым пуымо темлымашым кугыжаныш, верысе кучем-влакын органышт, предприятий, учреждений, мер организаций да толкын, 10 еҥ деч шагал огыл чотан инициативный тӱшка-влак ыштен кертыт. Мутлан, шке жапыштыже индешымше микрорайонышто П.П.Глезденёв лӱмеш скверлан тудын лӱмжым пуышашлан темлымашым «Марий Эл» газет редакцийна ыштен ыле.
Светлана Носован фотожо
