«Культурный код Карелии» мер организаций вуйлатыше, Шернур кундемын чолга ӱдыржӧ Алевтина Войтовичлан Карелийын Национальный да региональный политике министерствыже «За вклад в развитие гражданского общества» оҥыш пижыктыме палым кучыктеныт.
Саламлымашым Алевтина Аркадьевна 50 ияш лӱмгечыжлан пӧлеклалтше торжественный касыштыже налын. Тудо ынде ятыр ий Петрозаводскышто ила да тусо консерваторийыште пашам ышта. Пайрем касым тудын вуйлатыме «Тойве», «Акрет Мари», «Шулдыр» фольклор да моло ансамбль-шамычат сӧрастареныт.
С.Носова
Снимкыште: А.Войтович саламлымашым налеш.
Фотом министерствын сайтше гыч налме.
