Чодыраште пожар лийын кертме пагытыште тений республикысе лесничестве, арендатор-влакын, Авиалесоохранын вийже дене 36 гана тулым йӧртымӧ.
Тул ылыж ынже керт манын, профилактикым эртарыме, пожарым йӧртымӧ пашаште специализироватлыме техникым кучылтыт. Тудым «Экологий» национальный проектын «Сохранение лесов» проектше почеш налме. 2024 ийыште 3 пожарный автоцистерным, «Соболь» 4 грузовой автомобильым, южым пуалтарыме 6 арверым, 6 бензопилам налме.
Кызыт чодыраште пожар лийын кертме икымше классан лӱдыкшӧ увертаралтын. Тул ылыжмым ужында гын, тидын нерген вигак Авиалесоохранын диспетчер управленийжын регионысо пунктышкыжо 8(836)56-65-35, але чодыра охранын вияш линийжын 8 800 100 94 00, але 112 номерлашкыже йыҥгыртыман.
С.Носова
Авторын фотожо
