КУЧЕМЫШТЕ

Лӱдыкшӧ ынже лӱдыктӧ

Марий Элым вуйлатыше Юрий Зайцев социальный тӧнеж-влакым терроризм деч аралыме пашалан правительствын резерв фондшо гыч 6,7 миллион теҥгем ойыраш пунчалым луктын.

Палемдыме пашам «Солнышко» йоча интернат-пӧртыштӧ, начар тазалыкан йоча ден подростко-влаклан Йошкар-Оласе да Волжскысо реабилитационный рӱдерлаште, ийготыш шудымо-шамычлан «Журавушка», Морко да Волжск оласе  социально-реабилитационный рӱдерлаште эртарат.

Тидыже йоча-влакым социально обслуживатлыме тӧнеж-шамычым террорист актым ыштен кертме лӱдыкшӧ деч аралаш, тыгак нунылан шке пашаштым ласканрак шукташ йӧным ыштышаш.

Марий Эл Республикым вуйлатышын организаций да аналитике виткемжын уверже негызеш М.ИВАНОВА ямдылен

Опубликовать в Одноклассники

Добавить комментарий