Республик вуйлатыше Юрий Зайцев пилотдымо юж аппарат-влакым кучылтын ышталтше лӱдыкшӧ ваштареш виктаралтше йодыш-влак шотышто оперативный штабын заседанийжым эртарен.
Юрий Зайцев палемден: эн тӱҥ задаче – лӱдыкшым кораҥдаш писын да кӱлеш семын мерым ыштыман. Участник-влак правам аралыше, обороно ден гражданский структур-влакын иквереш пашам ыштымыштын пайдашт нерген ойленыт.
Марий Эл Республикым вуйлатышын пресс-службыжын уверже негызеш Любовь Камалетдинова ямдылен
