Энергетике
Лӱддымын да ӱшанлын
Тушманын Курский областьыш керылт пурымыж деч вара «Рӱдӧ Россетьын» писын вашештыше группировкыжын энергетикше—влак сӧй кредалмашын ончыл линийже деке 650 гана лишемыныт.
Энергетике спецназ, илышлан лӱдыкшӧ улмым ончыде, фронт воктенысе ола ден посёлкылашке электровий толмым терген да тӧрлен шога. Эл ончылно ответственностьым шижмышт да пашалан ӱшанле улмышт нелылыкым да лӱдыкшым сеҥаш полшат.
Локтылалтше электролинийым тӧрлымӧ да пӧртлашке электровий толмо деч вара изиш тыпланымеке, энергетик-влак творчествыланат жапым муыт да… муралтат. Талантан еҥ-влак кеч-моланат мастар улыт.
Тиде муро – герой-влаклан кумалтышмут. Нунылан шке профессийышт нимо деч шерге.
Тиде клип паша вахтым лӱддымын шуктышо да тӱшка Сеҥымашым лишемдымашке аклаш лийдыме надырым пыштыше-влакын кече еда ыштыме подвигышт нерген!
х х х
Пагалыме таҥ-влак, RUTUBE ден ВК площадкылаште, тыгак «ИформБюро» телеграмм-каналыште «Сеҥыже манын, тудлан вийым пу» («Дай ему силу, чтобы он победил») мурылан клипын премьерже лийын. Тиде «Рӱдӧ Россеть» ден #МУЗЫКАВМЕСТЕ коклаште шочшо пырля шуктымо проект.
Юрий ИСАКОВ ямдылен
ИнформБюрон телеграм-каналже деч налме
Нине воткыллашке тыгай QR-код-влак дене пурыман.
