Республикысе Калык усталык да тӱвыра ден каныме паша шотышто шанче-методике рӱдер пеленысе калык лӱмым нумалше мурышо да куштышо «Пеледӹш» (вуйлатышыже – Н.Смирнов) ансамбль Коми Республикыш каяш ямдылалтеш.
Тушто 19-21 сентябрьыште сымыктышым да калык усталыкым ончыктымо «Финн-угор транзит» фестиваль эрта.
Мероприятий 20 сентябрьыште Коми национально-драматический театрыште пайремлын почылтеш.
Фестивальыште «Пеледӹш» ансамбль «Этновокал да семӱзгар ансамбль» номинацийыште мастарлыкым ончыкта. Артист-влак «Яратымем ылат икты» (мутшо ден семже А.Сосновын), «Кӱтӱчын мурыжо» (мутшо В.Петуховын, семже Н.Смирновын да курыкмарий сӱан ден калык муро-влакым аклаш луктыт.
Коми Республик гыч фестиваль Мордовийыш кусна. Тушкыжо Удмурт, Коми да тыгак Луганск Калык Республик гыч коллектив-влак ушнат.
Фестиваль 3-5 октябрьыште Москошто мучашлалтеш. Тусо сценыште Карелий, Беларусь да Донецк Калык Республик гыч артист-влак мастарлыкым ончыктат.
Алевтина БАЙКОВА
Фотом ансамбльын альбомжо гыч налме
