УВЕР ЙОГЫН

Кумылаҥдыше  награде

 

Марий Эл вуйлатышылан «За содействие СВО» медальым кучыктеныт.

СВО участник-влаклан чолган полшымыжлан  республик вуйлатыше Юрий Зайцевлан наградым Хлыстикмыт еш ден «Боевое братство» республикысе ветеран-влак организацийым вуйлатыше Владимир Белоусов кучыктеныт.

«Конешне, тыгай наградым налаш куанле. Мутат уке, тиде гуманитар полышым погымашке  да наҥгаяш полшымашке ушнышо-влакын чылаштын заслугышт. Тыл мыняр ӱшанлырак, фронт тунар виянрак, сандене мемнан рвезе-влаклан полшымо – ик эн кӱлешан задаче», – палемден Юрий Зайцев.

 

 

Войсковой частьын командиржын приказше гыч выпискыште возымо: «Украиныште  специальный военный операций эртыме годым Шочмо эл ончылно священный порысым шуктышо  военнослужащий-шамычлан чыла могырымат полшен шогымыжлан «За содействие СВО медаль дене Юрий Викторович Зайцевым наградитлаш».

Тиддеч ончыч Марий Эл гыч специальный военный операцийым эртарыме кундемыш 50-ше гуманитарный грузым  колтымо. Нунын коклаште автомобиль, электрон оборудований, чоҥымаште кучылталтше ӱзгар, кочкыш, медикамент, шокшо вургем, гигиене средстве да военнослужащий-влаклан кӱлшӧ моло арверат улыт.

 

 

Тыгак республикыште  специальный военный операцийыште улшо-влаклан да нунын ешыштлан ешартыш 50 тӱрлӧ полыш пуалтеш. Утларакше СВО-н участникше-влакын йочашт дене кылдалтше да  военнослужащий ден нунын ешыштлан коммунальный услугылан тӱлымыштлан компенсаций.

Марий Эл вуйлатышын пунчалже почеш шке кумылын РФ Вооруженный Вийыште але РФ национальный гвардий войскаште службым эртыме нерген  контрактым ыштыше-влаклан ик гана пуалтше выплатын кугытшо 1,4 гыч 1,8 миллион теҥге марте кушкын.

 

 

Марий Эл Республикым вуйлатышын пресс-службыжын уверже негызеш Евгений Садовин ямдылен.

Денис Речкинын фотожо/ Марий Эл вуйлатышын пресс-службыжо

Опубликовать в Одноклассники

Добавить комментарий