Йошкар-Олаште верланыше Т.В.Иштрикова лӱмеш «Синяя птица» гуманитарный гимназийын туныктышыжо-влак Ульяновскышто эртыше «КПД: когда педагог действует» конкурсышто III верым сеҥен налыныт.
Самырык педагог-влаклан профессионал мастарлыкым ончыкташ йӧным пуышо таҥасымаште Ульяновск, Челябинск областьла, Марий Эл да Чуваший республикла гыч чылаже 29 команде лийын. Кажныже участник-влак дене палдарыше презентацийым ямдылен, кейс-чемпионатыште да проект мастерскойышто моштымашым ончыктен.
Г.Кожевникова
Фотом Марий Эл Образований да науко министерствын ссоцкылысе лаштыкше гыч налме
