Марий Элыште таче кечылан оласе кумдык-влакым тӱзатымылан 13 тӱжем утла еҥ йӱкшым пуэн.
Йӱклымаш 21 апрельыште тӱҥалын да 12 июньышто мучашлалтеш. Йӱклымашке 14 ийым темыше кажне еҥ ушнен кертеш. Тидым ышташ эше 45 кече уло.
Чылаже конкурсыш 51 кумдыкым лукмо. Эн шуко йӱкым погышо вер-влакым 2026 ийыште шотыш кондат. Йошкар-Олаште тӱзатышаш 29 кумдыкым темлыме гын, Медведо посёлкышто – 3, Волжскышто – 7, Козьмодемьянскыште – 8, Звениговышто – 4.
Йӱклымаш zagorodsreda.gosuslugi.ru федеральный платформышто эрта. Тушко Госуслуго портал гоч пурыман.
