Марий Эл гыч кум видеоролик Казахстанын рӱдолаштыже – Астанаште – эртыше «Диво Мира» тӱнямбал турист кинофестивальыште сеҥыше семын палемдалтын.
Видеомаркетинг да туризм сферысе тӱнямбал эксперт-влак гыч шогышо жюрилан аклаш шым эл гыч 125 паша пурен. Марий Элын Спорт да туризм министерствыжын увертарымыж почеш, «Этнотуризм» номинацийыште кокымшо верыш «Этнический туризм в Марий Эл» видеоролик, «Гастротуризм» номинацийыште кумшо верыш «Йошка еш» регион-влак кӱкшытан гастрономий фестиваль нерген видеоролик да «Кӱчык метражан фильм-влак» номинацийыште тыгак «Звуки города» видеоролик кумшо верыш лектыныт.
С.Носова
