«Оласе кумдыкым йӧнаным ыштымаш» федеральный проектлан кӧра кум ий жапыште республикыште 245 верым тӱзатыме: 93 кудывечым, 152 мер кумдыкым. Кучылтмо средстван чумыр кугытшо 571,6 миллион теҥгеш шуын. Тушечын 510 миллион теҥге — федеральный полыш.
2023 ийыште изи олалаште да исторический поселенийлаште йӧнан оласе кумдыкым ыштыме эн сай проект-влакын Всероссийский конкурсыштышт сеҥыше кум кугу проектым илышышыш шыҥдарыме:
Козмодемьянскыште композитор Эшпайын скверже.
Звениговышто причал воктене набережный.
Волжскышто Рӱдӧ площадь ден Ленин уремын ужашыжым уэмдыме.
2025 ийыште тӱзатыме паша «Илышлан кӱлешан инфраструктур» нацпроект кышкарыште ышталтеш. Шушаш кум ийлан 136 кундемым тӱзаташ палемдыме. Тиде пашалан 541,5 миллион теҥгем ойырымо.
2024 ийыште Марий Эл конкурсыш пуымо проект-влакын кугу кӱкшытан улмыштым угыч пеҥгыдемден, Всероссийский IX конкурсышто кум инициативе дене сеҥен:
« Тошто Козьмодемьянскын уремлаже».
« Звениговышто Тазалык аллей».
Волжскышто «Ре-парк: у экотӱвыра рӱдер».
Нине проектла граждан-влакын илыш качествыштым нӧлталыт веле огыл, тыгак кундемышкына турист-шамычым утларак толаш кумылаҥдат.
Тыят шке кундемым тӱзатымашке надырым пыштен кертат. Тидлан zagorodsreda.gosuslugi.ru сайтыш пурен, шке йӱкетым пу.
