УВЕР ЙОГЫН

Кугыжаныш Погынышто мыняр марий еҥ?

Палынем ыле, Марий Эл Кугыжаныш Погынышто мыняр депутат шотлалтеш? Нуно могай партийын еҥже улыт? Марий еҥ шуко мо?

Л.Новиков

Звенигово район

 

Вашмутым Марий Эл Республик Кугыжаныш Погынын официальный сайтысе уверже-влак негызеш «Марий Эл» газет редакцийын парламентский корреспондентше М.ИВАНОВА ямдылен:

– 2019 ий 8 сентябрьыште Марий Элын шымше гана погымо Кугыжаныш Погынышкыжо 52 депутатым 5 ийлан сайлыме, ты чот гыч 35 еҥже «Единый Россий» фракцийыште (вуйлатышыже Владимир Мухин) шога, 9 – КПРФ-ыште (Геннадий Зубков), 3 – ЛДПР-ыште (Антон Мирбадалев), 3 – «Справедливый Российыште» (Наталья Глущенко). Председательын должностьышкыжо эн шуко йӱк дене Анатолий Васильевич Смирновым сайлыме.

Кугыжаныш Погынышто куд комитет: законодательстве шотышто (председательже А.Павлов), бюджет шотышто (А.Моисеев), тазалыкым аралыме, культур да спорт шотышто (Е.Кузьмин), калык илышым саемдыме шотышто (Н.Козлова), производственный комплексым вияҥдыме шотышто (И.Бондарчук), агропромышленный комплексым вияҥдыме, экологий да пӱртӱсым аралыме шотышто (А.Новиков) да ныл комиссий: регламентым эскерымым контрольышто кучымо шотышто (председательже А.Павлов), депутат этике йодыш шотышто (А.Бахматов), редакционный (Н.Козлова), Марий Эл Республик Кугыжаныш Погын депутат-влакын доход, пого да пого шотан обязательстве нерген пуымо уверыштын чынлыкыштым контрольышто кучымо шотышто (Е.Вахитова), – пашам ыштат.

Депутат-влак коклаште 14 марий, 32 руш, 4 татар да моло калык гыч 2 еҥ улыт.

Опубликовать в Одноклассники

Добавить комментарий