Марий Элыште Кугу Отечественный сарыште Кугу Сеҥымашлан 80 ий теммылан ямлдылалтме паша тӱҥалын.
Регион вуйлатыше Юрий Зайцев тидын дене кылдалтше тӱҥ йодыш-влакым ойырен налмылан пӧлеклалтше совещанийым эртарен.
Республикыште Сеҥымаш кечым палемдыме дене кылдалтше 140 кугу мероприятий эртышаш. Тышке Мужество урок, ончер, патриот акций, военно- патриотический сбор, военно-спортивный модыш-влакым пуртымо. Сарын ветеранже ден нунын ешыштын социально-экономический положенийыштым саемдаш полышым пуат.
Заседанийыш погынышо-влак сар дене кылдалтше шарныктыш-влакым уэмдаш кӱлмӧ нерген ойленыт. Мутлан, Суслоҥгер посёлкышто мемориалым, Йошкар-Оласе рӱдӧ каныме паркыште стеллым олмыктат. Марий Эл гыч лекше воин-ракетчик-влаклан стеллым, МиГ-23 демилитаризироватлме истребительлан мемориал комплексым ышташ да Россий Военно-морской флотын ик боевой корабльжылан «Марий Эл» лӱмым пуаш палемдыме.
Регион вуйлатышын палемдымыж почеш, Кугу Сеҥымашын юбилейный идалыкыштыже самырык тукымым шочмо элым йӧратыме шӱлышеш шуарен толмо шотышто кугу проект-влакым илышыш шыҥдарен толмылан поснак кугуг верым ойырыман.
Маий Эл вуйлатышын пресс-службыжын уверже негызеш Светлана Носова ямдылен.
