Марий Эл - 100

Кугу лӱмгечылан — шарнымаш медаль

Марий Элын 100 ияш лӱмгечыжлан пӧлеклалтше шарнымаш медальым ышташ палемденыт.

Тидын шотышто регион вуйлатыше Александр Евстифеев 19 августышто указым луктын. Ты шарнымаш медаль дене Марий Эл Республикын йол ӱмбаке шогалмашкыже да вияҥмашкыже кугу надырым пыштыше да калык пагалымашым сулен налше, тыгак экономике, науко, технике, чоҥымо паша, тӱвыра, искусство, образований, тазалыкым аралымаш, спорт, закон ден правопорядке, обороно, граждан-влакын духовный вияҥмышт да республик кумдыкышто обществыште кулешан моло паша сферылаште, тыгак калык-влакын тӱвыраштым лишемден да пойдарен толмо шотышто сай пашалан, калык кокласе кылым пеҥгыдемдымылан, внешнеэкономический да тӱнямбал кылым вияҥдымылан граждан-влакым палемдаш тӱҥалыт.

Шарнымаш медаль дене палемдышаш кандидатур-влак шотышто Марий Эл вуйлатыше пеленсе комиссийыш 31 октябрь марте пуыман. Тидын нерген Марий Элын Тӱвыра, савыктыш да калык паша шотышто министерствыжын пресс-службыжо увертара.

С.НОСОВА

Опубликовать в Одноклассники

Добавить комментарий