«Образований» национальный проект дене келшышын 22-26 июльышто «Авангард» военно-патриотический рӱдерыште республик кӱкшытан «МОЛОДЙОШКА» молодёжь форум эрта.
Тудо кундемыштына илыше 18-35 ияш марте ийготан 200 наре ӱдыр-рвезым авалта.
Участник-влак Росмолодёжьын туштак эртаралтше конкурсшылан грантым ямдылат. Тидын деч посна тренинг ден лекций занятий, спорт да моло мероприятий-шамыч лийыт. Кажне кечын – шке тематикыже: 1-ше – «Команде», 2-шо – «Регион», 3-шо – «Сеҥымаш», 4-ше – «Сеҥымаш дек корно».
Тений тыгай тематический смене-влак эртат: «Селалан проект», «Лидерстве нерген», «Медиа», «Самоуправлений».
Г.Кожевникова
Фотом Марий Эл Республикын Молодёжь политике комитетшын да Марий Эл Молодёжь сайтла гыч налме
