Марий кугыжаныш университетын студенткыже Валерия Исмайлова Россий кӱкшытан олимпиадыште 2-шо верым сеҥен налын.
Экологий лӱдыкшыдымылык, йырым-йырысе кумдыкым аралыме, пӱртус поянлыкым пайдалын да аныклен кучылтмо дене олимпиаде тений 14-ше гана эртен. Тушко Российын 18 олаже гыч 108 студент ден 26 команде ушнен.
Марий кугыжаныш университетын Естественный науко да фармаций институтшын «Экологий да пӱртӱс дене пайдаланымаш» направленийже дене 2-шо курсын магистранткыже Валерия Исмайлова личный первенствыште 2-шо вер дене палемдалтын.
Г.Кожевникова
Фотом Марий кугыжаныш университетын соцкылысе лаштыкше гыч налме
