12 февраль – Коҥга пазар кече. Тидым шотыш налын, тений тудым лач ты кечынак, шушаш вӱргечын, эртарат.
Кодшо ийлаште пайрем Старселаште лийын гын, ты гана открытый районный фестивальыш кумылан-влак Тошто Йӱледӱрыш чумыргат.
Участник-влак ондакысе семынак пайремыш тӱрлӧ кочкышым ямдылен намият, да выставке-дегустаций лиеш. Кидмастар-влак шке пашаштым ончыктат, тидын годымак налашат темлат. Усталык коллектив-влак мастарлыкышт дене палдарат. Пайремым эртарыше-влак погынышо-шамычым калык модыш дене модыктат.
Любовь Камалетдинова
Авторын фотожо