Марий Эл «Йоча-влак – йоча-влаклан» Россий кӱкшытан акцийыш ушнен.
Тудын тӱҥ шонымашыже – Россий Федерацийын у субъектлаштыже илыше икшыве-шамычлан, тыгак тунемме верласе книгагудылан йоча книгам погаш.
Тиде акций 20 июнь марте шуйна. Мӧҥгыштӧ тыгай сылнымутда уло гын, теат тунемме верыш конден кертыда, вет тыгай акций рӱдоласе кажне школышто эртаралтеш. Мутлан, А.С.Пушкин лӱмеш 4-ше №-ан гимназийыште пел кечыште гына 100 утла книгам чумырымо.
Советский районысо Ургаш лицей-интернатыштат тиде акцийыш кумылын ушненыт да тӱрлӧ теме дене йоча савыктышым погеныт (снимкыште).
Г.Кожевникова
Фотом Марий Эл Образований да науко министерствын сайтше гыч налме
