Марий Элын Марий юмыйӱла рӱдӧ ушемжын увертарымыж почеш, 22 июньышто Киров кундем Советский район Чумбылат курыкышто кугу кумалтыш лиеш.
14 июньышто 8 шагатлан Шернур район Марисола вел Купсолаште Оно-Морко Агавайремыш погынат.
28 июньышто Йошкар-Оласе Пӱнчер отышто Агавайрем юмылан вуйым савымашке вучат. Тудо Пеледыш пайрем эрдене 9 шагатлан тӱҥалеш.
1 июльышто Морко район Унчо ял отышто Сӱрем кумалтышым эртарат.
Пошкырт кундем гыч онаеҥ Радислав Зайнетдиновын увертарымыж почеш, Калтаса район Актыган ял воктене верланыше Шукын Курык Кугызалан вуйым савен кумалмаш 22 июньышто лиеш. 27 июнь деч вара ты кундемыште посна палемдыме кечылаште Кӱсӧ кумалтыш-влак эртаралтыт.
Снимкыште: Шукын курыкышто.
Фотом Радислав Зайнетдиновын воткыл лаштыкше гыч налме.
