3-5 октябрьыште Йошкар-Олаште «Калык вургем пайрем унала ӱжеш» Россий кӱкшытан культурно-просветительский проект илышыш шыҥдаралтеш.
Российыште илыше калык-влакын вургемыштым чийыме йӱлам вияҥден да уэмден толшо-влакым иктыш чумыраш шонымыш дене эртаралтше проект икмыняр мероприятий гыч шога: «Калык костюм художественный национальный стильын негызше» всероссийский калык вургем фестиваль; кид дене ыштыме национальный костюман курчак ончер; усталык лабораторий, этноблогер-влакын мастерскойышт: фотоплэнер да ончер.
Калык костюм художественный национальный стильын негызше» фестивльыш кок йӧн дене ушнаш лиеш: компьютер презентациян очный выступлений (статьям савыктыман) да заочный (статья гына саветыман).
Конкррс икмыняр номинаций дене аклалтеш:
Этнографий костюмын репликыже. Этнографий костюмым традиционный технологий почеш ыштымаш;
Кызытсе жаплан келшыше авторский костюм. Традиционный мотивым, силуэтым арален коден, кызытсе жаплан келшыше технологийлан, материаллан эҥертен ыштыме костюм;
Коллективын репертуарже дене келшышын ыштыме стилизоватлыме сценылык калык костюм;
Кид дене ыштыме шке регионысо национальный костюман курчак;
Еш йӱла дене палдарыше костюм;
Социальный сетьла гоч этнобренд-влак дене чолган палдарен шогышо этноблогер, мер шонымашын ончылъеҥже-влакын костюм ден аксесуарышт;
Регионын национальный ойыртемже, калык йӱлаж дене палдарыше калык костюмын аксесуарже;
Проектыш ушнаш шонышо-влак оргкомитетын dpi.rnmc@yandex.ru, cultur@mari-el.ru электрон почтышко 1 сентябрь марте йодмашым колтен шуктышаш улыт. Лекше йодышым 8 (8362) 42-28-80; 42-45-75 телефон дене рашемдаш лиеш.
Ончыктен кодыман: ты проект «Тӱвыра» национальный проектын «Творческие люди» федерал проектше почеш «Российский фонд культуры» ООГО-н ойырымо грантше кӱшеш илышыш шыҥдаралтеш.
С.Носова
М.Скобелевын фотожо
