НОВОСТИ Сеҥымаш СПОРТ ТАЗАЛЫК

Кӧн кид вийже шукырак?

Спорт
Кӧн кид вийже шукырак?
Шукерте огыл Россий ДОСААФ-ын Марий Элысе региональный пӧлкажын кубокшо верч армрестлинг дене таҥасымаш эртен. Турнир Йошкар-Оласе технический рӱдерын актовый залыштыже лийын.
Ты спорт мероприятийын шонымашыже: тиде видым вияҥдыме, самырык тукымым воинский службылан ямдылаш, патыриотизм шӱлышеш патырым, лӱддымым кушташ.
Кид вийым тергымашке Россий ДОСААФ-ын Марий Элысе региональный рӱдержын курсантше-шамычат ушненыт.
Турнирлан пауэрлифтинг дене Российын спорт мастерже, аграрный колледжын преподавательже Геннадий Волков вуйын шоген. Тудак тӱҥ судья лийын.
Тӱшкам да нелытым шотыш налын, 70 килограмм нелытан-шамыч коклаште икымше верым Даниил Кузьмин, кокымшым Иван Вавилов, кумшо верым Владимир Суслов налыныт. Шымле килограмм деч кугурак нелытан участник-влак коклаште эн ончыко Матвей Фокша лектын. Кокымшо верыште – Дмитрий Ивкин. Бронзо медальын озаже – Ильсар Хабибуллин.
Команде-влак коклаште Россий ДОСААФ-ын Марий Элысе региональный пӧлкажын кубокшын озаже Кугыжаныш да муниципал службын колледжше.
– Таҥасымш сайын эртен. Участник-шамыч патырлыкыштым ончыктышт. Ончыкшым тыгай турнирым йӱлаш пурташ шонымаш уло. Тау ДОСААФ-ын пашаеҥже-влаклан, вет турнир тыгак ДОСААФ-лан 95 ий теммылан пӧлеклалтын, – мане тӱҥ судья Г.Волков.
Е.Эшкинина.

Опубликовать в Одноклассники

Добавить комментарий