Еш идалыклан пӧлеклалтше тыгай конкурсым Республикысе курчак театр увертарен.
Тудо ешыште улшо-влакым ик пашам пырля ышташ тарата.
Конкурсын условийже почеш, икшыван еш-влак курчак дене модмо шке театрым ыштышаш да кумдан палыме йомакым але шке гыч шонен лукмо историйым модшаш, видеош войзышаш улыт. Ты пашам йодмаш дене пырля театрыш 25 август марте колтыман.
Спектакльыште кеч-могай курчакым, тыгак кевытыште налме модышым кучылташ лиеш.
Сеҥыше-влакым жюри ойыра. Чыла участникын пашажым театрын соцкыл лаштыкышкыже вераҥдат.
Тичмаш уверым театрын сайтыштыже але соцкылысе группыштыжо муаш лиеш.
А.БАЙКОВА
Авторын фотожо
