Тений 1 январь гыч Российыште «Еш» национальный проектын «Шуко шочшан еш» регионысо проектше илышыш пурталтеш.
Тудо демографийым саемдымашке да шуко шочшан еш-шамычлан полшымашке виктаралтын.
Проектын мероприятийже-влак кокла гыч иктыже – «Социальный няне» услуго. Тудын кышкарыштыже ача-ава-влак 3 ияш марте ийготан йочаштым социальный няньылан ончаш коден кертыт.
Услуго дене пайдаланаш праван улыт:
- шуко шочшан еш-влак;
- студент еш-шамыч (ача ден ава коктынат очно тунемыт);
- шкет ава але ача-влак;
- йыгыр але иканаште тылечат шуко шочшо йочан еш-шамыч;
- инвалид йочам але начар тазалыклан кӧра шуко чарак дене вашлиятше икшывым ончышо еш-влак;
- специальный военный операцийын участникше-шамычын ешышт.
Услуго чылт яра ышталтеш. Йодмаш дене илыме верысе Калыкым социально обслуживатлыме комплексный рӱдерыш мийыман.
Маргарита ИВАНОВА
