Шушаш кугарнян, 19 январьыште, ме Крешене пайремым палемдаш тӱҥалына.
Тудын вашеш йӱдым але эр эрдене шукынжо йӱштылаш пураш тыршат. Тиде шкешотан йӱлам шуктымо годым азап але ойго ынже лий манын, чывылалт лекташ келыштарыме шуко еҥ погынымо верлаште полиций пашаеҥ, утарыше ден медик-шамыч дежуритлаш тӱҥалыт. Туге гынат МЧС пашаеҥ-влак шканат теве мом палаш да шотыш налаш темлат:
– йӱштылаш йӱшывуя але черле, тӱрлӧ черан пурыман огыл;
– йӱштӧ вӱдыш пурымо деч ончыч капым ырыктыман. Тидлан изишак куржталман але разминкым ыштыман;
– ваке деке куштылгын кудашаш лийше, йӧнан, яклештдыме йолчиемым чиен лишемман;
– тушко эркын да вашкыде ошкылман;
– вӱдыш вуй дене тӧрштыман огыл, уке гын йӱштылан кӧра шок лийын кертеш;
– утыждене чот кылмаш огыл манын, вакыште 1 минут деч кужун лияш огеш темлалт;
– пелен икшывыдам налыда гын, тудым эскерыде ида кодо, кугыеҥ деч посна шкетшым вӱдыш ида пурто;
– ваке гыч кидкучемлан (поручни) эҥертен лекман;
– вӱд гыч лекмеке, капым солык дене ӱштман да кукшо вургемым чийыман;
– ыраш да черланаш огыл, тыгак иммунитетым пеҥгыдемдаш манын, чывылалт лекмеке, шокшо чайым йӱман. Тудо шудо, емыж-саска гыч ямдылыме лиеш гын, эшеат сай.
Л.Камалетдинова
М.Скобелевын фотожо
