Энергетике
Йӱшто жаплан – волгыдым да шокшым
«Мариэнерго» филиал специальный военный операцийын участникше-влаклан полыш шотеш черетан гуманитар грузым колтен.
Мер ушем – «Zа Марий Эл» поро кумыл фонд – гоч энергетик-влак Марий Эл гыч СВО-што улшо военнослужащий-влаклан бензин генераторлам колтеныт. Куд электрогенератор мемнан боец-влаклан йӱштӧ пагытыште волгыдым да шокшым ситараш тӱҥалеш.
«Мариэнергон» пашаеҥже-влак тиде тыглай огыл жапыште СВО-што улшо землякна-влаклан полшаш кумылаҥыныт. Вет нуно элна верч кажне кечын тул йымаке пурат. Кеч тыге шочмо кундемышт деч порылыкым шижын шогат.
Кажныже, кӧ гуманитар полышым погымашке ушна, шкенжын граждан умылымашыжым почын ончыкта да сарзына-влаклан нелылыкым чытен лекташ, сеҥымашым лишемдаш йӧным ышта.
Юрий ИСАКОВ ямдылен
Фотом «Мариэнергон» пресс-службыж деч налме
