15 декабрьыште Йошкар-Олаште Йӱштӧ Кугыза-влакын тӱшкан ошкылмашышт лиеш.
Нуно 12 шагатлан Патриарший площадь гыч тарванат. Теат ты шествийыш ушнынеда, пайрем кумылым налнеда гын, Йӱштӧ Кугызан костюмжым чиен, тушко миен кертыда. Ушнаш шонымыда нерген ончылгоч 89177125593 телефон номер дене шижтарыман. Тидын нерген Йошкар-Ола администраций увертарен.
Шествий Йошкар-Олан рӱдӧ площадьыштыже, У ий кож воктене, мучашлалтеш. Вара тушто У ий пайремым почымылан пӧлекалтше мероприятий лиеш.
Фотом марий Йӱштӧ Кугызан лашткыше гыч налме
