Марий вургемын ик ужашыже – тиде ӱштӧ. Олыкмарий-влакын тудо тӱҥ шотышто ший дене сӧрастарыме лиеш. Курыкмарий-влак ӱштым куат. Пытартыш жапыште ӱштым эше пидынат ыштат, мучашыжым тӱрлӧ семын сӧрастарат.
Шукерте огыл Республикысе Калык прикладной тоштерыште кидмастар да «Мурсескем» ансамбльым вуйлатыше, Россий тӱвыран сулло пашаеҥже Евгений Каменщиковын «Ший мастар» тоштерже почылто. Тушто Евгений Анисимович ӱштӧ нергенат каласкалыш. Кызыт тӱрлӧ фольклор ансамбльын ӱдырамаш участникше-влакын ӱштын мучашыжым шеҥгекыла покшеке луктын сакалтымым ужаш лиеш. Но тыге лийшаш огыл. Ӱштӧ мучаш кыдалын шӧрыныштыжӧ кечышаш. А пӧръеҥ-влак ӱштӧ мучашым ончыкыла, но садыгак шӧрыныш вераҥдат. Койышан-влак веле тудым покшекыла сакалтат, ожнысек тыге ойленыт.
Снимкыште: теве тыге шиян ӱштӧ кечышаш.
Светлана Носован фотожо.
