«Марий чодра» национальный паркыште кушшо Пугачевын тумыжо тений угыч «Российын идалыкысе пушеҥгыже» всероссийкий конкурсышто участвоватлаш тӱҥалеш.
Конкурс «Пушеҥге-влак – илыше пӱртӱсын памятникше-влак» программе кышкарыште эрта. Тудо элнан поянлыкшылан шотлалтын кертше кугу ийготан пушеҥге-влакын улмыштым рашемдаш полша. А вара нунылан кугыжаныш аралыме статусым пуат да кугу ийготан пушенге-влакын национальный реестрышкышт пуртат. Конкурсыш участватлаш пуымо пушеҥге спискым йодмаш почеш пеҥгыдемдат. Тыгай йодмашыжым РФ субьект-влакын кучем вуйлатышышт гына пуэн кертыт. 69 номинант коклаште Пушкинын, Суворвын тумыжо-влак, Пастернакын лыстан пӱнчыжӧ, Курилысе мудреч тис, икманаш ӧрыктарыше шуко кушкыл улыт. Нунын коклаште – Пугачевын тумыжат. Тудым ты реестрыш 2011 ийыште пуртеныт. Айста марий тумылан идалкын пушеҥгыже лияш полшена да 1 август марте шуйнышо йӱклымашке ушнена. Мемнан тумына 10-шо № дене кая.
С.Носова
