Йошкар-Олаште 2026 ийыште тӱзатышаш кумдык-влаклан йӱклымаш мучашлалтын.
«Оласе кумдыкым йӧнаным ыштымаш» федеральный проект почеш йӱклымаш zagorodsreda.gosuslugi.ru сайтыште 21 апрель гыч 12 июнь марте эртен. Иктешлымашым общественный комиссий пеҥгыдемден.
Нине объект-влаклан калык шукырак йӱклен:
– Строитель уремыште мужырдымо могырышто 3-шо №-ан пӧрт гыч Прохоров урем марте йолешке корно. Ты проектлан 6365 еҥ йӱклен;
– Воин-Интернационалист-влак уремысе 26 А пӧрт гыч тӱҥалын, Ураев бульварысе 9А пӧрт марте кумдыкым тӱзатымаш. Тидлан 4563 еҥ йӱкым пуэн.
– Воскресенский проспектыште йолешке верым тӱзатымаш. 3840 еҥ йӱклен.
Окса средствам аныклыме годым сеҥышыш лекше-влакын спискышкышт рейтинг почеш верланыше кумдык-влак пурталтыт, увертарен «Йошкар-Ола» ола округ вуйлатыше Лев Покровский.
Алевтина Байкова
