Запорожский областьын Куйбышевский районышкыжо паша дене миен коштмо годым школышто кугурак класслаште тунемше икшыве-влаклан «Без срока давности» выставкым ончыктеныт. Ты прооект, Российын президентше Владимир Путинын кӱштымыж дене келшышышын, илышыш шыҥдаралтын.
Марий Элын подшефный районыштыжо ты выставкым почмаште йоча-влаклан Кугу Отечественный сарыште фашист, нацист-шамычын шучко пашам ыштымышт нерген каласкаленыт. Лекций эртыме жапыште ӱдыр-рвезе-влак нуным тургыжландарыше йодышлам пуэденыт.
Ты проектым «Знание» ушемын Марий Элысе пӧлкаже, Российысе военно-исторический ушемын регионысо пӧлкаже, Марий кугыжаныш университет, студент-влакын «Воскресение» кычалше отрядышт илышыш шыҥдареныт.
Ончыкыжым тыгай туткар ынже лий манын, историйнам палаш кӱлеш.
Лидия Шабдарова
