Марий Элын ончычсо вуйлатышыже Леонид Маркеловлан врач-эксперт-влак инвалидностьым пуаш тореш лийыныт.
Тыгай пунчалым Москвасе медико-социальный экспертизе комиссийын членже-влак луктыныт.
Ушештарена, кызыт Леонид Маркелов Лефортово СИЗО-што шинча да тазалыкше начареммылан, южгунамже чотак удан ужмыжлан вуйым шиеш. А тидым тудо изоляторышто «пытке» условийыште илымыж дене умылтара. Но Общественный наблюдательный комиссийын еҥже-влак Л.Маркеловын шинчыме изоляторышто лийыныт да тыгай иктешлымашыш шуыныт: тудым кучымо условий моло арестантын гаяк, нунын деч нимо денат огеш ойыртемалт.
Л.Камалетдинова.
