Мирный олаште пу гыч скульптурым пӱчкедымаш дене фестиваль эртен.
Тудын участник-влак коклаште Курыкмарий кундемын шочшыжо, кызыт Сергиев Посад олаште илыше Владимир Алмановат лийын. Фестиваль кышкарыште бензопила дене пу гыч писын скульптурым пӱчкедыме конкурсат эртен. Темыже руш йомаклан пӧлеклалтын улмаш, сандене Владимир Баба Яга ден Кощейын скульптурыштым ыштен. Марий пӧръеҥ тӱҥ конкурсыштыжат да бензопила дене пӱчкедымаштат икымше верым сеҥен налын.
С.Носова
Снимкыште: В.Алманов.
Фотом В.Алмановын еш альбомжо гыч налме.
