Туризм сферыште «PROбренд» — 2025» VII тӱнямбал маркетинг конкурсышто Шереметьев замок кок гана палемдалтын.
Замокын темлыме кок проектшым эксперт-влак «Кумдыкын видеобрендингше» да «Интернет-сферыште турист бренд-влак дене кумданрак палдарымашке пыштыме надыр» посна номинацийлаште сайлан шотленыт.
Снимкыште: Юрино замокышто – экскурсий.
Фотом замокын воткыл лаштыкше гыч налме.
