Республикыште общеобразовательный организацийлаште тунемше-влаклан Россий кӱкшытан олимпиадын регионысо этапше мучашлалтын.
Тений тушто чылаже 1050 тунемше чумыр налмаште 25 предмет дене шинчымашым ончыктен. Тидын деч посна 7-8-ше класслаш коштшо 62 ӱдыр-рвезе математике дене Леонард Эйлер, физике дене Дж.К.Максвелл да астрономий дене Я.Струве лӱмеш олимпиадылаш ушнен.
Сеҥыше да призёр радамыш 221 тунемше лектын. Кӱкшӧ результатым ончыктышо-влак олимпиадын пытартыш этапыштыже шкеныштым тергат, тудыжо тений 15 март гыч 30 апрель марте Российын 15 субъектыштыже эртаралтеш.
Фотом Марий Эл Образований да науко министерствын соцкылысе лаштыкше гыч налме
Г.Кожевникова
